Croeso i’n gwefan ar gyfer Parc Ynni Bryn Cadwgan.

Mae Galileo Empower yn datblygu cynigion ar gyfer Parc Ynni Bryn Cadwgan, wedi’i leoli ar ffin Sir Gaerfyrddin/ Ceredigion, tua 10km i’r dwyrain o Lambed, 10km i’r de o Dregaron a 16km i’r gogledd o Lanymddyfri.

Cynhaliwyd ymgynghoriadau cyfnod cynnar ar y cynigion yn Hydref 2023 sydd wedi helpu i lunio fersiwn ddiweddaraf y cynlluniau. Rydyn ni wedi adolygu ein cynigion yn dilyn adborth gan drigolion lleol ac o ganlyniad i arolygon ac astudiaethau safle parhaus.

Mae’r cynigion bellach yn cynnwys:

  • 19 tyrbin gwynt gyda 17 tyrbin gydag uchder mwyaf hyd at flaen y llafn o 230m a 2 dyrbin gydag uchafswm uchder o 200m, yn cynhyrchu 137 Megawat (MW) o ynni;
  • 12 MW o baneli solar ffotofoltäig (PV) wedi’u gosod ar y ddaear; a
  • 50 MW o system storio ynni batri (BESS).

Yn ogystal â gwneud cyfraniad sylweddol at ddatgarboneiddio ein system drydan, rydyn ni wedi ymrwymo i ddarparu manteision sylweddol i gymunedau lleol trwy gronfeydd cyfoeth cymunedol, cyflogaeth leol a chyfleoedd busnes, cyfran gymunedol yn y parc ynni a’r cyfle i leihau biliau ynni i’r rhai sy’n byw agosaf at y prosiect.

Ymgynghoriad Cyn Gwneud Cais – Gwanwyn 2025

Mae’r cyfnod Ymgynghori Cyn Ymgeisio yn rhedeg o ddydd Mercher 20 Awst tan 1 Hydref 2025 (sydd yn disodli’r dyddiad a bennir mewn unrhyw hysbysiad blaenorol). Dyma’r ymgynghoriad olaf cyn i ni gyflwyno ein cynlluniau i Benderfyniadau Cynllunio ac Amgylcheddol Cymru yn ddiweddarach eleni.

Rydyn ni am glywed eich barn

Rydyn ni wedi ymrwymo i weithio’n agos gyda’r gymuned leol i sicrhau bod pobl yn deall ein cynigion ar gyfer Parc Ynni Bryn Cadwgan yn llawn ac yn gallu rhannu eu barn a’u syniadau gyda ni.

Yn ogystal â’r wybodaeth sydd wedi’i diweddaru ar-lein, rydyn ni’n cynnal tri digwyddiad ymgynghori personol, lle gallwch weld sut mae’r prosiect wedi datblygu, gweld ein cais cynllunio drafft, cwrdd â’n tîm a rhannu’ch adborth:

  • Dydd Mawrth 2il Medi 2025 – Neuadd Bentref Pumsaint (SA19 8UW), 12pm-5pm 
  • Dydd Mercher 3ydd Medi 2025 – Ymddiriedolaeth Cymunedau Elidyr (SA20 0NL), 2pm-7pm

Gallwch hefyd gymryd rhan yn yr Ymgynghoriad Cyn Gwneud Cais yma lle bydd yr holl ddogfennau cynllunio drafft ar gael.

Rhannwch eich adborth ar y cynigion yma

Lleoliad y Safle…

Atgynhyrchwyd o ddata map digidol yr Arolwg Ordnans @Hawlfraint y Goron 2022. Cedwir pob hawl. Rhif y drwydded 0100031673

Y PROSIECT A GYNIGIR

Ynni adnewyddadwy – mynd i’r afael â’r argyfwng hinsawdd a darparu ynni cartref.

Mae’r cynnig ar gyfer Parc Ynni Bryn Cadwgan yn ymateb i’r argyfwng hinsawdd a ddatganwyd gan Lywodraeth Cymru ym mis Ebrill 2019. Bydd y Parc Ynni hefyd yn helpu’r DU i drosglwyddo i adnoddau ynni adnewyddadwy a lleihau allyriadau nwyon tŷ gwydr.


Bydd datblygu’r gwaith o gynhyrchu ynni adnewyddadwy ar y tir yn cyflawni rôl allweddol yn yr ymdrech i sicrhau diogelwch ynni, drwy leihau dibyniaeth ar danwydd ffosil wedi’i fewnforio ac sydd wedi arwain at gynnydd enfawr mewn biliau ynni dros y blynyddoedd diwethaf.

I gyrraedd y targedau sero net sydd wedi’u gosod gan Lywodraeth Cymru, mae angen i Gymru gynhyrchu bedair gwaith mwy o ynni gwynt o ffynonellau ar y tir ac ar y môr dros y degawd nesaf.

Gyda disgwyl i’r galw am drydan ddyblu erbyn 2050, bydd cynhyrchu ynni adnewyddadwy trwy wynt a solar yn sicrhau bod y galw hwn yn cael ei ateb. Gwynt ar y tir a phaneli solar ffotofoltäig yw’r ffyrdd newydd rhataf o gynhyrchu trydan yn y DU ac maen nhw eisoes yn gwneud cyfraniad pwysig i’r cyfuniad ynni adnewyddadwy.

Bydd ynni glân yn hybu ein diogelwch ynni yn y dyfodol, yn darparu trydan rhatach, fydd yn lleddfu costau byw, yn rhoi hwb i gystadleurwydd busnesau a chadwyni cyflenwi yng Nghymru ac yn cefnogi miloedd o swyddi ledled y wlad.

https://www.renewableuk.com/media/5bihscx0/ruk-cymru-manifesto-2024.pdf

FFEITHIAU A FFIGURAU

LLEOLIAD

  • 16km i’r gogledd o Lanymddyfri
  • 10km i’r de o Dregaron
  • 10km i’r dwyrain o Lambed
  • 10km i’r gorllewin o Lanwrtyd

MANYLION

Tyrbinau gwynt

  • 19 tyrbin gwynt
  • 17 o dyrbinau gwynt ag uchder blaen uchaf o 230m a 2 dyrbin gydag uchder blaen uchaf o 200m
  • Cynhyrchu 137 MW o ynni adnewyddadwy

Aráe ffotofoltäig solar (FfF)

  • Paneli solar wedi’u gosod ar strwythurau cynnal mewn grwpiau a elwir yn ‘llinynnau’, wedi’u gosod fel araeau sefydlog
  • 12MW o gynhyrchiant ynni adnewyddadwy 

Systemau Storio Ynni Batris (BESS)

  • Mae batris y gellir eu hailwefru yn storio’r trydan sydd dros ben ar ôl i wyntoedd cryf neu ddyddiau heulog ei gynhyrchu, ac wedyn yn anfon yr ynni sydd wedi’i storio i’r grid pan fydd cynhyrchiant yn isel ac angen ynni
  • Drwy gefnogi’r gwaith o gynhyrchu ynni adnewyddadwy, sy’n ysbeidiol, mae BESS yn cyflawni ‘rôl gydbwyso’ hanfodol, gan helpu i sicrhau bod y grid yn parhau’n sefydlog bob amser
  • Capasiti o hyd at 50 MW

Cysylltiad Grid

  • Bydd y Parc Ynni wedi’i gysylltu â’r system grid genedlaethol ehangach.
  • Disgwylir i’r cysylltiad grid fod yn is-orsaf arfaethedig Llandyfaelog yng Nglan-y-fferi, i’r de o Gaerfyrddin. 
  • Byddai’r cysylltiad o’r is-orsaf ar y safle â’r grid cenedlaethol yn destun cais cynllunio ar wahân. Nid yw llwybr y cysylltiad grid wedi’i bennu ar hyn o bryd. 

DOGFENNAU YMGYNGHORI CYN YMGEISIO

Dogfennau’r Prosiect

Gallwch weld yr holl ddogfennau cais cynllunio drafft rydyn ni’n eu cyflwyno, fel rhan o’r Ymgynghoriad Cyn Ymgeisio yma. Os oes gennych unrhyw gwestiynau, cysylltwch â ni’n uniongyrchol ar bryncadwgan@galileoempower.uk neu ar 01550 910285.

DOGFENNAU YMGYNGHORI CYN YMGEISIO PAC leaflet Exhibition Boards

Bydd eich manylion yn cael eu cyflwyno i PCAC ynghyd ag Adroddiad PAC y cais. Bydd hyn yn galluogi PCAC i gysylltu â chi os yw’r cais dan sylw yn cael ei dderbyn i’w archwilio.

Adroddiad cwmpasu wedi'i gyflwyno i PCAC Cliciwch yma am y cylchlythyr diweddaraf - Rhagfyr 2024
CLICIWCH YMA I AGOR Y BYRDDAU YMGYNGHORI* CLICIWCH YMA I AGOR Y LLEOLIADAU GOLYGFANNAU CLICIWCH YMA I AGOR Y GOSODIAD ARFAETHEDIG DANGOSOL

*byrddau ymgynghori diweddaru 30/11/23

Indicative Timeline

  1. Dechreuwyd ein harolygon amgylcheddol, technegol a pheirianegol yn gynnar yn 2021

    2021-2025

  2. Ymgynghoriad cymunedol ar gynlluniau dangosol cynnar yn Hydref 2023

    Hydref 2023

  3. Cyflwyno Cais Cwmpasu Asesiad o’r Effaith Amgylcheddol i PEDW Roedd hwn yn nodi cwmpas a lefel manylder y wybodaeth i’w darparu yn y Datganiad Amgylcheddol

    Rhagfyr 2023

  4. Ystyried adborth, cynnal rhagor o arolygon a mireinio dyluniad cychwynnol y Safle Dechrau’r Asesiad o’r Effaith Amgylcheddol

    2024 – 2025

  5. Cynhyrchwyd cais cynllunio drafft, yn adlewyrchu adborth o’r broses ymgynghori, a chanlyniadau pellach ein hastudiaethau manwl Rydym yn ymgynghori ar y cynlluniau am chwe wythnos a gallwch roi eich adborth yn y digwyddiadau hyn, drwy ein gwefan, a dros e-bost neu’r ffôn

    Haf 2025 (Lle rydyn ni nawr)

  6. Byddwn yn cyflwyno ein cais i PACA gydag Adroddiad yr Ymgynghoriad fydd yn cynnwys gwybodaeth a dderbyniwn o’r ymgynghoriad hwn Bydd gan ymgyngoreion a’r gymuned leol bum wythnos i gyflwyno eu sylwadau ar y cynlluniau i PEDW

    Hydref 2025

  7. Bydd PEDW yn penodi Arolygydd i archwilio’r cais a’r sylwadau Gall yr Arolygydd gynnal gwrandawiadau neu ofyn am sylwadau ychwanegol

    2026

  8. Bydd yr Arolygydd yn ysgrifennu adroddiad ar gyfer Gweinidogion Cymru, yn argymell a ddylid rhoi caniatâd cynllunio Bydd gan y Gweinidog 12 wythnos i wneud penderfyniad terfynol

    (I’w gadarnhau)

* Mae Cais Cwmpasu yn ceisio cael gan PEDW gwmpas a lefel y wybodaeth y mae angen ei darparu yn y Datganiad Amgylcheddol.

CYNNIG GALILEO I’R GYMUNED

Mae Galileo Empower yn ymrwymedig at ddatblygu prosiectau sydd o fudd uniongyrchol a hirdymor i’r ardal leol, gan feithrin cysylltiadau cymunedol cryf a sicrhau dyfodol gwyrdd a chynaliadwy i genedlaethau’r dyfodol.

Os caiff y cais ei dderbyn, bydd cyllid sylweddol yn cael ei ddosbarthu gan Galileo Empower i gymunedau lleol am oes y Parc Ynni, gan eu galluogi i rannu buddion y prosiect.

Mae’r cyllido hwn yn wirfoddol ac ar wahân i’r broses gynllunio, ac mae ganddo’r potensial i greu buddion hirdymor sylweddol. Rydyn ni’n gweithredu mewn ffyrdd sydd wedi eu teilwra’n briodol i wahanol sefyllfaoedd ac rydyn ni’n gweithio’n uniongyrchol gyda chymunedau lleol i ddeall y blaenoriaethau, yr anghenion a’r prosiectau yr hoffai cymunedau i’r datblygiad eu cefnogi yn yr ardal leol.

Bydd ein agwedd gyfrifol at ddatblygu prosiectau yn sicrhau bod Parc Ynni Bryn Cadwgan yn cael ei gyflwyno  mewn ffordd sy’n ystyriol o’n cymdogion, yr amgylchedd gerllaw, a chymunedau lleol.

Byddwn yn:

  • Ymrwymo i gynnig cronfa gyfoeth cymunedol gwerth £5,000 fesul pob MW o’r capasiti ynni gwynt bob blwyddyn, gydag indecs gyswllt ar gyfer oes weithredol y Parc Ynni. Byddai hyn yn werth hyd at £685,000 y flwyddyn, sy’n cyfateb i gronfa o dros £34 miliwn dros oes weithredol 50 mlynedd y prosiect. Bydd y swm terfynol yn fwy gan fod y gronfa’n gysylltiedig â chwyddiant, a bydd y ffigurau terfynol yn cael eu cadarnhau wedi i ddyluniad y Parc Ynni gael ei bennu’n derfynol.
  • Archwilio’r posibilrwydd o greu cynllun disgownt ar gyfer trydan adnewyddadwy (REDS) i sicrhau gostyngiad blynyddol ar filiau trydan y bobl sy’n byw agosaf at y Parc Ynni.
  • Cynnig rhannu perchnogaeth hyd at 10% i gymunedau lleol – lle gellir defnyddio’r elw a gynhyrchir gan gyfran berchnogaeth er budd iddyn nhw yn y tymor hir.
  • Cynnig cronfa adeiladu gymunedol i grwpiau a sefydliadau lleol o ddechrau’r gwaith adeiladu nes i’r Parc Ynni ddechrau gweithredu. Nod hyn fydd helpu i wrthbwyso unrhyw anghyfleustra a allai gael ei achosi yn ystod y cyfnod adeiladu.
  • Rydyn ni’n awyddus i sicrhau bod y gadwyn gyflenwi leol yn ein helpu i gyflawni’r gwasanaethau sydd eu hangen ar gyfer y prosiect hwn. Os ydych chi’n fusnes lleol ac yn dymuno gwybod mwy am y cyfleoedd sy’n deillio o’r datblygiad, cofrestrwch drwy ein porth contractwyr lleol yma.

Get in touch

I drafod Parc Ynni Bryn Cadwgan, cysylltwch â:

Leslie Walker | Uwch Reolwr Prosiect

YNGHYLCH GALILEO EMPOWER

Mae Galileo Empower yn ddatblygwr, perchennog a gweithredwr ynni adnewyddadwy pan-Ewropeaidd, aml-dechnoleg, sy’n tyfu’n gyflym, gyda chenhadaeth i gyfrannu’n sylweddol at gyflawni targedau lleihau allyriadau byd-eang.

Ein nod yw gwneud hyn trwy ddatblygu digon o brosiectau ynni gwyrdd clyfar, effeithlon, o ansawdd uchel ac integredig, fel bod ynni adnewyddadwy yn dod yn brif ffynhonnell trydan i bob defnyddiwr ynni yn Ewrop. Mae nifer o brosiectau Galileo Empower yn cael eu datblygu, yng Nghymru a’r Alban.

Mae tîm prosiectau Caerdydd wedi ymrwymo i ddatblygu prosiectau sy’n creu buddion sylweddol a diriaethol yn lleol ac yn meithrin cysylltiadau cymunedol cryf.

Mae ein uwch dîm rheoli yn cynnwys arbenigwyr ynni a buddsoddi blaenllaw sydd â degawdau o brofiad rhyngwladol mewn mwy na deg ar hugain o farchnadoedd.

Mae cyllidwyr Galileo Empower yn gronfeydd seilwaith a phensiwn gydag ôl troed byd-eang, meddylfryd rhyngwladol a meddylfryd cydweithredol.